Horario: 10 - 14 e 16 a 20. Xantar de 14 a 16 no local de Zocamiñoca

Os obxectivos principais desta xornada son:

• Coñecer as experiencias doutras cooperativas de consumo
  
• Compartir espazos de convívio cara a cohesión das socias de Zocamiñoca
• Crear propostas reais cara ao Plan de Acción da cooperativa

PROGRAMA

10h - 14h: Exposición das cooperativas de consumo L'Aixada de Barcelona http://aixada.org/) , La Garbancita Ecológica de Madrid http://www.lagarbancitaecologica.org/) e Zocamiñoca, (http://www.zocaminhoca.org/) en base as seguintes cuestións:

• Estratexias de participación

• Estratexias de comunicación.

• Estrutura organizativa.

• Acollemento novas socias

14h - 16h: Xantar Vegano a cargo da iniciativa de socias da cooperativa "A Factoría Verde" no local de Zocamiñoca (a un coste de 5€)

16h - 20h: Espazo Aberto (Traballo interno para socias de Zocamiñoca)

Tes propostas de futuro para Zocamiñoca? Algunha idea que pensas sería de utilidade à cooperativa? Algo que che preocupa e precisas explorar con outras socias? Durante a segunda parte da Xornada, daremos espazo e tempo aos retos e dificuldades coas que nos enfrentamos na atualidade. A técnica que utilizaremos, o Espazo Aberto, ten como obxectivo xerar unha serie de propostas reais coas que iniciar a acción con confianza e responsabilidade. Compartiremos ideas e experiencias nun ambiente cálido e seguro onde non faltará café, té e boliños para todas. 

Este sábado 16 de maio ás 12h no noso local, celebrarase unha degustación de sidra ecolóxica e artesá dun pequeno proxecto que se atopa en Bergondo: Sidras Reboredo.

A empresa de catering ecolóxico Leiralonga aportarán o seu grao de area á celebración cos seus pinchos (haberá un bote para quen queira poda aportar algo para sufragar o custe dos pinchos).

Bo día e boa hora para desfrutar dunha boa sidra, un aperitivo e boa conversa. Apetéceche? Vémonos o sábado!!!