portada nova web

 

Logo de moito traballo, coordinacións, charlas e algunhas risas, estamos ledas de presentarvos a nova web de Zocamiñoca, non sen antes despedir con agarimo á nosa vella páxina. A pesar de que nos acompañou todos estes meses, xa empezaba a notar o paso do tempo e estábase a facer demasiado lenta. Agora, gañamos en velocidade, pero tamén en seguridade... e agardamos que vos guste tamén a estética.

Agradecemos moitísimo ao noso incríble grupo de informática o estupendo traballo realizado, así como ao grupo de comunicación a colaboración na actualización de imaxe e contidos. Pouco a pouco o grupo de comunicación introducirá novos cambios para actualizar a información á realidade da cooperativa, e ter cada vez máis unha web práctica e útil, tanto para novas visitantes como para as socias que a usamos diariamente.

Máis aló destes cambios de forma, os contidos seguirán sendo moi similares. A zona de acceso segue estando na parte esquerda da web: unha vez rexistrada, a usuaria xa poderá entrar directamente a facer o seu pedido, coma sempre.

Ler máis...

O vindeiro martes, 17 de xaneiro de 2012, haberá a Presentación na cidade
da Coruña do proxecto FIARE de Banca Ética.

Organizada polo grupo local da Coruña, terá lugar ás 20:30 hs. no salón de
actos da Agrupación Cultural Alexandre Bóveda, na rúa dos Olmos, nº 16-18,
, desta cidade, e contará coa presencia de Raúl Asegurado, presidente da
Asociación Fiare Galiza.

cartel-ACAlecB-xaneiro2012-II - Share on Ovi

 

Ler máis...

projectoCarcere - Share on Ovi

Xa están aquí!
Estades todos e todas convidados a participar.

Da Plataforma Proxecto Cárcere convidámosvos a participar das Xornadas de Portas Abertas no Antigo Cárcere Provincial da Coruña que terán lugar do mércores 8 ao sábado 11 de Xuño. A inauguración das xornadas está prevista para o mércores 8 de Xuño ás 18h30.

Durante as xornadas realizaranse actividades sociais, culturais e da memoria organizadas por diversas persoas e colectivos da nosa cidade co fin de mostrar o grande potencial que ten este edificio, noutroras símbolo da represión, como espazo de encontro e liberdade dende onde a cidadanía podamos participar activamente na construcción da nosa comunidade.

Ler máis...

 

soudealdea - Share on Ovi

 

Son d’Aldea é unha actividade dinamizadora da cultura rural que procura amosala, proxectala e dignificala a través dunha xornada de participación activa da cidadanía que se achegue a Albá (Palas de Rei) nesa xornada festiva. Trátase dunha aproximación ás coordenadas sociais e culturais do rural no pasado, e dunha reflexión sobre novas vías de ruralidade no presente. Un recoñecemento á súa riqueza e á súa heteroxeneidade a través dun espectáculo teatral que transita por diferentes escenarios (O monte, o lavadoiro, o forno, a lareira, a escola e o tundal) e que ofrece unha visión de diversos oficios; dun Xantar con produtos elaborados por xente que traballa no rural na actualidade e dunha Romaría Tradicional que pechará este evento.

Haberá tamén unha Mostra de Artesanía Alimentária e outra de Oficios Artesáns, que pretenden amosar as novas formas da economía na aldea.

Unha radiografía subxectiva da situación do rural cargada de emoción e sensibilidade e con vontade de reflectir a filosofía vital do ser humano que habita esa contorna. 

Ler máis...

Desde Zocamiñoca estamos a apoiar dúas iniciativas locais que están acorde cos nosos valores e prácticas.

Contra o desaloxo da Casa das Atochas


O C.S.O. Casa das Atochas ocupouse en marzo do ano 2008. Espazo sito no barrio de Montealto da cidade da Coruña onde se programan actividades sociais, culturais e de debate abertas a toda a cidadanía, e coa participación das viciñas e viciños do barrio. Neste momento está en curso un procedemento penal que ameaza con desaloxar este espazo e terminar así coa súa actividade sociocultural e dinamizadora contra a especulación na Coruña. Estanse a convocar asambleas e manifestacións que apoiamos como Zocamiñoca.

Mais información en http://www.casadasatochas.info

Recuperación do cárcere da Torre como centrosociocultural independente

A AAVV de Montealto-Atochas reivindica o uso público e cultural do cárcere da Torre, que pasará agora ao poder municipal, contra o uso elitista que signficaria o proxecto de rehabilitar o edificio como parador nacional. Recentemente tivo lugar o “Encontro sobre novos modelos participativos de xestión cultural” onde individuas e persoas achegadas a diferentes colectivos da cidade decidiran adherirse a esta iniciativa. Desde Zocamiñoca decidimos ter representación activa nesta iniciativa dado o seu carácter de proceso a medio e longo prazo.

Mais información en http://barriomontealto.blogaliza.org

Se es socia e queres participar como representante ou ponto de contacto entre Zocamiñoca e calquera destas iniciativa fai-o saber enviando email ou participando no noso Foro.
zocarede

Rede Galega de consumo responsábel