asambleaxeral2017

ZOCAMIÑOCA convoca a asemblea xeral ordinaria deste ano o venres 30 de xuño de 2017 ás 18:30h en primeira convocatoria e ás 19:00h en segunda. O lugar de celebración será o noso local da Avenida da Concordia, 199 baixo.

 
A orde do dia será a seguinte:
 
1. Presentación de datos económicos e Aprobación de Contas de 2016.
2. Rogos e preguntas.
 
Contamos coa vosa presenza. A cooperativa a facemos entre todas.
 

cartazoutraformavivienda

Outra Forma de Vivenda levan a cabo un proxecto que desde o colectivo, investiga en novas maneiras de xestión para dar resposta a situacións particulares, combinando a independencia e a intimidade dunha vivenda propia coa convivencia na comunidade (axuda mutua, áreas e espazos compartidos, relación co barrio), poñendo o foco no respecto pola natureza, e defendendo o acceso á vivenda como un dereito, e coa idea de crear unha cooperativa sen ánimo de lucro de vivendas accesibles, sustentables e comunitarias.

Por iso xorden estas xornadas,co obxectivo de reflexionar desde o colectivo sobre estes novos modelos de vivenda, o papel da cidadanía no deseño e construción do seu propio hábitat, ou o rol das institucións como impulsoras destas novas fórmulas.
As xornadas servirán para comparar modelos de éxito, xerar ideas e ofrecer solucións, así como para profundizar sobre aspectos clave como a accesibilidade universal, a vida comunitaria en tódolas las súas vertentes e a sustentabilidade, sempre partindo do dereito á vivenda como dereito universal.

Coñeceremos diferentes iniciativas que se están dando no Estado sobre modelos alternativos de vivenda, dende perspectivas transversales que abranguen áreas como a sociedade dos coidados, a biocontrución, a diversidade funcional, problemática de acceso á vivenda, etc.

Neste enlace podes acceder ao programa

Convocamos unha nova asemblea Extraordinaria o vindeiro  sábado 18 de febreiro as 10 h en primeira convocatoria e ás 10:30 h en segunda, no local de zocamiñoca (Av/Concordia 199 baixo).

Esta asemblea celebrase aproveitando o zoquelarre bimensual

fotoasemblea2017

Achegamos tamén unha enquisa sobre a organización do local, é importante que dediquedes uns minutos a enchela e así entre todas aportar ideas, necesitamos da vosa opinión e apoio.

ENQUISA COMO ESTA ORGANIZADO O LOCAL E QUE COUSAS MELLORARÍAS

Esperamos que asistades a la asemblea-zoquelarre, xa que é unha oportunidade de seguir mellorando e avanzando neste lindo proxecto.

A asemblea estará facilitada por  Ines, e esta organizada pola comisión deste zoquelarre bimensual, conta tamén co apoio do grupo de economía da cooperativa.

A orden do día é:

  • Benvida e aprobación da axenda - (10 min.)
  • Elección da nova interventora - (20 min)
  • Organización do local - (60 min)
  • Sistema de garantía participativa - (10 min.)
  • Avaliación do Zoquelarre: como nos vai? - (20 min.)
  • Vindeiro Zoquelarre - (10 min.)

cartaxruralquerexentebergondo

Encontro de inverno do Rural Quere Xente, os dias 10, 11 e 12 de marzo, no Monasterio de Bergondo.

O Rural Quere Xente pretende ser unha rede que busca o encontro entre as persoas que viven no rural, que queren vivir no rural ou que queren un rural vivo; onde hai persoas con inquedanzas que apostan polo agroecolóxico e por outras formas de relación ca terra e entre as persoas. O obxectivo deste encontro é dar outro paso no proceso de construción da rede, vendo o camiño que anduvemos, os éxitos e os erros que cometemos, e cara a onde queremos continuar.

Máis información en: https://www.oruralquerexente.net

O compañeiro e socio da cooperativa Jerónimo enviounos esta crónica sobre o obradoiro de elaboración de cervexa que se celebrou o pasado mes de novembro en Uxes gracias á tamén socia e amiga Marta.

Obradoiro de fabricación de cervexa (12 de novembro de 2016)

O punto de encontro para a realización do obradoiro era a casa da Estación de Uxes, ás 11 da mañá do domingo 12 de novembro. A maioría fixemos unha visita turística previa á estación-restaurante (que por certo ten moi boa pinta), pensando que ese era o lugar, e alí amablemente o dono indicábanos que a casa estaba enfronte.IMAG0965.jpg

Marta, a profe, tíñanos preparado un café e entretivémonos un pouco coa charla típica, ata que xa nos fomos sentando. O equipo xa estaba montado, e consistía nunhas potas (barrís de cervexa de aceiro inoxidable reciclados) e uns fogóns de paella, montados nunha trama de andel de aluminio (a metade de camiño entre a profesionalidade e o enxebre).

Antes de comezar, Marta deunos unha primeira explicación sobre a cervexa: a súa historia, os seus compoñentes principais, a diversidade segundo as distintas culturas e como se foi evolucionando na industria a unha tipoloxía “mainstream” que é a que todos tomamos pero que non é a única posible. A irrupción das microcervexerías rompeu ese pensamento único e agora pódense atopar tipos de cervexa moi distintos feitos con moi diferentes cereais e adicións.

Ler máis...
zocarede

Rede Galega de consumo responsábel