cartazfaircoopzocas

Conversa aberta sobre FairCoop, a Cooperativa Global por unha Economía Ética  no local de Zocamiñoca o Sábado 12 as 12 h.

A conversa, organizada polo Nodo Local FairCoop Galiza, estará focada na potencialidade de implementar en Galiza experiencias locais de economía ética baseadas na moeda, ferramentas e metodoloxías cooperativas propostas pola FairCoop, para a redistribución da riqueza e o empoderamento das comunidades locais nunha rede de economía global, baseada en principios mais humáns e ecolóxicos fronte ao modelo global capitalista.

Facilitación de parte das compas da Casa Colorida e Imaxinaria.

cartazIencontroREAS

Desde a Rede de Economía Alternativa e Solidaria REAS Galicia organiza o sábado 23 de xaneiro en Ordes ao I Encontro de Economía Alternativa e Solidaria de Galicia, que baixo o lema: Intercooperar!!  ten por finalidade darlle visibilidade e coñecer directamente ás persoas que forman parte do sector; creando ou revitalizando espazos de intercooperación. O encontro terá lugar na Praza de Abastos de Ordes onde Zocamiñoca estará como entidade participante.

O evento vai dirixido preferentemente a todas as entidades da economía social, alternativa e solidaria de Galicia que queiran darse a coñecer ou achegarse a ver o que se está facendo ou o que se pretende facer por estes lares a medio prazo. 

 

                                                                                   cartazterractiva2015                                 

Non nos esquezamos que esta fin de semana hai unha visita obrigada á preciosa localidade de Arzúa e a súa Feira Ecolóxica Terractiva. Estarán moitas amigas zocamiñoqueiras como Árbore, Arqueixal, Black Emma, Forno Vegano, SenSucre, Cestola na Cachola, Milhulloa, Tuta Fruta, Bubela Artesá, A Cova dos Ratos, Bico de Grao, Trespés, Adororoda, ...

Consutar o programa en http://www.terractiva.org/

cartaz5niversariopc

Este 20 de novembro celebraremos o 5º ano de atividade da Plataforma Proxecto Cárcere e teríamos un grande prazer en poder contar convosco para a atividade reivindicativa que realizaremos nese mesmo venres ás 17h en frente do antigo cárcere da Torre.

Realizaremos unha acción lúdico-reivindicativa co nome de "A nao das argonautas" na que recordaremos as propostas colectivas feitas pola cidadanía da Coruña para a recuperación do antigo cárcere como centro sociocultural e da memoria. Sen esquecer os atrancos burocráticos e institucionais cos que nos temos atopado durante a nosa andaina queremos dar unha mensaxe de esperanza e recoñecemento a todas as persoas que dun ou outro xeito soñamos con abrir as portas do cárcere á creatividade e participación cidadá.

Finalizaremos a actividade cunha pequena celebración e brinde na praia das Lapas e unha petiscada no mítico bar "O Patachim" da rua Beiramar.

Esperamos que podades compartir connosco esta celebración.

proxectocarcere.blogaliza.org

 

 


Todas as socias estamos de parabéns xa que logo dun percorrido de sete anos de ilusión e traballo onde as persoas que formamos este proxecto somos as máis importantes, a Consellaría de Traballo, a través da Subdirección Xeral de Cooperativas e Economía Social da Xunta de Galicia, logo da reunión do xurado celebrada o pasado 2 de xuño, acordou concederlle a  Zocamiñoca o PREMIO AOS VALORES COOPERATIVOS 2015.

A entrega do premio, dotado con 5.000 euros, celebrarase o vindeiro 4 de xullo, Día do Cooperativismo, na Cidade da Cultura.

http://www.cooperativas2015.com/ 

zocarede