Ingredientes: (para unha cunca)

- 1 culleiriña de miso sen pasteurizar
- 1 culler de algas Wakame
- 1 culler de Tamari

Aclaración: Elixir un miso de calidade, de cultivo orgánico e sen manipulación xenética. O miso genmai (soia e arroz) ou mugi (soia e cebada) son máis suaves que o tipo hatcho (só soia). Debe especificar que non está pasteurizado. Na tenda ten que estar na neveira, non merquedes os que están nas estanterias sen refrixerar.

Elaboración:

Cortamos en anaquiños as algas wakame e as cocemos durante 5 minutos. Unha vez retirado do lume engadimos o Miso, removéndoo ben, e posteriormente engadimos o Tamari. Pódese tamén preparar Miso a partir dun caldo xa preparado de verduras (allo porro, nabo, shiitake, apio, unhas follas de acelga, ...) e alga Kombu.

O caldo de miso e algas pódese engadir tamén a outros pratos para facelos máis saborosos (lentellas, cremas de verduras, ...). Hai que ter en conta que o Miso haino que engadir no momento, e que non debe ferver, xa que destruiría a súa riqueza encimática.

 


Propieades do Miso:

O proceso de fermentación da soia e o cereal transforma o alimento, convertíndoo en algo realmente superior. Nese proceso predixírense parte dos nutrientes, xerándose grande cantidade de encimas dixestivas (proteasas, lipasas, amilasas), resultando un alimento moi encimático e favorecedor das dixestións. Por iso se debe tomar sempre como primeiro prato. Ás persoas con dificultades dixestivas, que se sinten hinchadas despois de comer, ou a quen as verduras crúas lles resultan indigestas, a sopa de miso sentalles moi ben.

Por outra banda, as bacterias responsables da fermentación producen gran cantidade de lactobacilos, polo que é un excelente rexerador da flora intestinal. Na fermentación tamén se producen vitaminas do grupo B, sendo especialmente interesante o seu contido en vitamina B12, unha vitamina esencial para a formación de glóbulos vermellos, O miso, a alga espirulina e os fermentados vexetais (pickles) son unhas das fontes vexetais desta vitamina, o que é moi interesante para os veganos.

Ingredientes:

- 1 taza grande de millo miúdo
- 1/2 litro de leite vexetal (arroz, soia, almendras, ...)
- froitas da estación en anaquiños
- 2 culleres de uvas pasas
- 4 ou 5 culleres de sirope de ágave
- un anaco de tona de limón
- vainilla
- canela en pó
- froitas para decorar

Elaboración:

Cocer o millo miúdo con 2,5-3 partes de auga e un chisco de sal durante 20-25 minutos e deixar repousar 10 minutos. Quentar o leite coa tona do limón. Cando empece a ferver bótase o millo miúdo, as froitas, o sirope de ágave e as pasas. Cocer durante 5 minutos, apagamos o lume e botamos a vainilla e a canela. Mestúrase ben e se bota nunha budinera untada con sirope de ágave. Sérvese frío e decorado con froitas.

Ingredientes:

- 1 bloque de seitan (picado ou triturado)
- 2 cebolas cortadas a dados
- 6 tomates maduros (escaldados e pelados ou bote de tomate triturado de Amorodo)
- 1 dente de allo picado fino
- 3 cenouras raiadas finas ou trituradas
- 1 tira de apio cortado fino (opcional)
- 2 follas de loureiro
- un chisquiño de asubiote seco e/ou ourego seco- aceite de oliva virxe
- sal mariño sen refinar
- salsa de soia
- pementa negra ao gusto
- asubiote fresco

Elaboración:

Saltear as cebolas e o allo con 3 culleradas de aceite de oliva e sal mariño, sen tapa. Engadir a cenoura e cando estea pochado engadir o tomate e as herbas aromáticas. Tapar e cocer a lume baixo 20 minutos.

Pasar por outra tixola, con aceite de oliva, rapidamente o seitán triturado engadir unha cullerada de salsa de soia; engadir isto á salsa de tomate, pór pementa negra e asubiote fresco.

Servir con pasta integral.

Ingredientes:

- 250gr de tempeh, arrefriado e picado tras 20 minutos de cocción cun anaco de alga Kombu
- Un anaco de alga Kombu
- 1 1/4 de cunca de pan raiado ou faragullas de pan seco
- unha culler de zume de limón
- unha culleiriña de pemento da Vera
- sal mariño

Para a salsa:

- 1/4 de cunca de aceite
- 1/4 de cunca de cebola picada fina
- 1/3 de cunca de fariña de espelta integral
- unha cunca de leite de soia
- sal mariño

Elaboración:

Para facer a salsa, salteamos a cebola no aceite e cando estea brandiña espolvoreamos coa fariña. Revolvemos e deixamos ferver 2 ou 3 minutos, evitando que se formen grumos. Sen deixar de remover engadimos o leite e o sal, mantendo todo no lume ata que espese. Deixamos arrefriar.

Cocemos o tempeh xunto cun anaco de alga Kombu durante 20 minutos, o arrefriamos e o picamos. Mesturamos o tempeh co pan raiado, o zume de limón, o pemento da Vera e lle botamos  un chisco de sal.

Mesturamos este conxunto coa salsa e fórmanse as croquetas. Seguidamente pásanse pola fariña, frítense en aceite e escorréganse en papel absorbente.

Ingredientes:

- 250 g de shiitake e boletus
- 4 ceboliñas
- 4 dentes de allo
- 1/2 vaso de viño de oporto
- sal mariña sen refinar
- aceite de oliva virxe extra
- pementa negra
- 2 culleres de améndoa

Elaboración:

Pór a remollo 30 minutos os cogomelos (shiitake e boletus) en auga morna. Coar os cogomelos e secalos. Colocalos nunha tixola sen aceite para que evapore o resto da auga. Sofreir a cebola e o allo, engadir os cogomelos e máis tarde o oporto. Engadir sal e pementa ao gusto.Torrar a améndoa e engadir antes de apagar o lume. Triturar e gardar o recipiente na neveira.

Páxina 1 de 4
zocarede

Rede Galega de consumo responsábel