dumMcDonaldsKids - Share on Ovi

 Unha nutricionista americana fixo unha experiencia cun "Happy Meal" da cadea de comida-lixo McDonald's, fotografándoo en 2009 e gardándoo, para comprobar o poder dos conservantes. Un ano despois o hamburguesa e as patatas continuaban case iguais, sen calquer tipo de cheiro ou outros sinais de decomposición.

O 'Happy Meal' é un produto destinado a cativos e a nutricionista Joann Bruso defendeu, en declaracións ao diario británico 'Daily Mail', que o feito de non presentar indicios de decomposición pasado tanto tempo demostra que esa comida non é saudábel.

No decurso deste período, Bruso tamén afirmou que nin moscas nin outros insectos foron atraídos polo produto da cadea McDonald's.
A americana afirma aínda que "se as moscas ignoran un 'Happy Meal' e os micróbios non o descompoñen, entón o corpo dun neno tampouco poderá metabolizalo convenientemente".

Ao longo dos anos, a cadea de fast food americana McDonald's tense esforzado en probar que os seus alimentos son de calidade, contrariando mitos creados acerca dos mesmos.

No entanto, estudos recentes indican que cada produto contén, de media, sete aditivos alimentares. O pan ten conservantes como calcio ou propionato de sódio, a carne contén benzoato de sódio e nas patatas fritas son detectabeis ácido cítrico e pirofosfato ácido de sódio, para manter a súa cor.

 Via --> Torontosun

decrecimento - Share on Ovi

 Como se pode imaginar que o PIB mundial, que era de 6.000 milhons de dólares em 1950, que passou para 43.000 milhons em 2000, poida medrar em 2050 para 172.000 milhons sem trastornar mais aínda os equilíbrios naturais, como se isso fosse umha mecánica virtuosa? A pergunta – de Jean-Paul Besset – refere- se ao “progresso” esperável tendo em conta umha das máximas do capitalismo actual: fai falta um crescimento anual de 2-3% para continuar a produzir e consumir num panorama de diminuiçom do desemprego.

A resposta é doada: nom se pode.

Ler máis...

transgenicos - Share on Ovi

A Comisión Europea deu hoxe luz verde ao cultivo en territorio comunitario dunha pataca xeneticamente modificada que producirá a firma alemá BASF e que estará destinada á produción de amidón para a industria papeleira, pero cuxos subprodutos poderán empregarse para a fabricación de pensos para animais.

O cultivo da pataca 'Amflora'es a primeira autorización que o Executivo comunitario decide dende hai doce anos, despois do permiso que deu en 1998 á compañía Monsanto para cultivar o seu millo MON 810. Os Estados membros que non queiran que este cultivo se permita no seu territorio poderán adoptar "salvagardas" como xa fixeron seis países (entre eles Alemaña e Francia, pero non España) co millo MON 810.

Ler máis...

Na cidade da Coruña e concellos limítrofres existen diferentes lugares onde se pode acudir se queremos consumir produtos ecolóxicos. Son os mercados ecolóxicos ou os mercados convencionais onde podes atopar produtos ecolóxicos (ás veces distribuídos polas propias produtoras), e tamén as tendas ecolóxicas.

Se ben o consumo ecolóxico como se entende hoxe en día (con certificado de produto ecolóxico) non ten porque cumprir os preceptos dun consumo consciente e responsable, pode ser interesante dispor desta información para quen desexe acudir a estes lugares a conseguir algún produto, especialmente se intentamos discernir os produtos locais e de pequenas produtoras, dos que non o son.

Ler máis...

solucion_sencillisima_el_roto - Share on Ovi

Un inquietante anuncio con fundo negro amosa unicamente o enderezo web estosololoarreglamosentretodos.org, pero, quen hai detrás disto?

É unha campaña publicitaria iniciada por Jaime de Andrés, responsábel de publicidade corporativa de Telefónica xunto a Javier Gómez Navarro (ex ministro de comercio e actual presidente do Consello Superior de Cámaras), o economista Guillermo de la Dehesa e os avogados Antonio Garrigues Walker e Miquel Roca. "É unha chamada á sociedade civil para que se mobilice", explicaron os responsábeis da iniciativa, que durará dous meses, con anuncios en televisión, insercións en prensa e cartelería exterior. En total, o custo da campaña será de catro millóns de euros que puxeron as Cámaras de Comercio, a patronal das grandes empresas construtoras (Seopan) e un bon número de grandes empresas (Telefónica, Iberia, El Corte Inglés, BBVA, Santander, La Caixa, Caja Madrid, Repsol, Cepsa, Endesa, Iberdrola, Mapfre, Abertis, Mercadona, Indra, Renfe e Red Eléctrica).

Ler máis...
zocarede