cartaz_feira_alim_final - Share on OviBaixo a denominación de 'Consumo consciente: da horta á mesa' a Asociación de Veciños Monte-Alto da Coruña organiza entre o 24 e o 26 de xuño varias charlas e obradoiros para dar a coñecer as alternativas de consumo respectuosas co medio ambiente. 

O local veciñal será o lugar no que se desenvolva a charla sobre 'Dereitos e deberes do/a consumidor/a' o 24 de xuño ás 18:00 horas a cargo de persoal da Omic  (Oficina Municipal de Información ao Consumidor). Esta actividade rematará cun obradoiro no que se porán en práctica algunhas das premisas comentadas durante a conferencia.

O mércores 25 de xuño, ás 19:30 horas, persoal da Omic desenvolverá o obradoiro 'Consumo e medio ambiente', ao que lle sucederá a conferencia 'Cultivo ecolóxico', a cargo do produtor Antón Sánchez García, a partir das 20:30 horas.

O venres 26, o programa destas xornadas achega ata o local da Asociación de Veciños Monte-Alto dúas charlas: 'Soberanía alimentar', a cargo da activista da Marcha Mundial das Mulleres, Isabel Villalta, programada para as 18:00 horas, e 'Transxénicos', na que falará Charo Sánchez Parga, produtora ecolóxica e integrante da Plataforma Antitransxénicos, a partir das 19:00 horas.

A semana adicada ao consumo consciente remata este sábado cunha feira de produtos da terra no Campo de Marte na que haberá obradoiros para os cativos, venda de produtos ecolóxicos de produtores da comarca e unha mostra de cociña solar e xantador.

Fonte:  A Nosa Terra

O sábado 30 de maio, entre as 11:00 e as 14:00 horas, tivo lugar no Centro Sociocultural O Castiñeiriño de Santiago de Compostela a Asemblea Constituínte de Coop57 Galicia, unha nova cooperativa de servizos financeiros que nace co fin de fomentar o aforro solidario e o investimento ético para desenvolver proxectos de economía social e solidaria.

Para coñecer toda a información e fotos do evento, visitade o blog: http://coop57galicia.blogspot.com

A fin de semana de primeiros de maio, un grupo de integrantes da nosa cooperativa participaron nunhas xornadas de voluntariado (ou mellor dito, de intercambio) en Quilmas. Un potente proxecto da Cooperativa Raiña Lupa, que pretende revalorizar o rural como xerador de riqueza e traballo, proxectos vivos fronte a outros que degradan a paisaxe e contaminan como son as macro-piscifactorías.

Máis dunha ducia de persoas achegáronse a Quilmas e traballaron nas súas terras. A cambio, aprenderon a plantar espárragos e patacas, gozaron dunha comida de cine con boa compaña e puderon desfrutar da beleza do Monte Pindo para completar esta estupenda experiencia.

E antes de poder contarvos con detalle as impresións de todas as persoas participantes, podedes  ver un resumo da xornada en quepasanacosta.com, da man de Ubaldo, membro de zocamiñoca, residente en Corcubión e grande coñecedor do proxecto: http://quepasanacosta.com/content/view/5347/26

O próximo 30 de Maio celebrarase en Santiago de Compostela a Asemblea Constituinte de Coop57 Galicia, Sección Territorial da cooperativa de servizos financeiros éticos e solidarios Coop57. Esta iniciativa será constituida por 17 organizacións da economía social e solidária de Galiza, e supón o nacemento do primeiro proxecto de Banca Ética en Galicia.

1. Organizacións Constituintes de Coop57 Galicia (17) - Sócias de Servizos

- Cooperativas (12) : Pegadas; Arbore; A Xoaniña; Milhulloa; Teixugo; Andaina; Xedega; Cidadania; Equal; Ardora; Intergal; Fungo.
- Asociacións de Cooperativas (4) : Ugacota; Eixo; Ucetag; Sinerxia
- Outras asociacións (1) : AES Briante

2. Organizacións interesadas no Proceso Constituinte de Coop57 Galicia (19)

- Cooperativas (11) : Eirado; Como Cabras; Zocamiñoca; San Martín de Moreira; Coperactiva; Tagen Ata; Promundos; Ria de Arosa; Coop.Servizos de Redeiras; Ace Cinco; Colexio Mendiño.
- Asociacións (7) : Amarante; Semente; A Cova da Terra; Coordinadora Galega de ONG’s; Federación Galega de Redeiras "O Peirao"; Federación de Mulleres Rurais Mestura; Verdegaia
- Outras empresas de economia social (1) : Daveiga SLL

Para quen estea interesada, aquí vai un pdf con toda a info da asemblea: Convocatoria de Asemblea Constituínte de Coop57 Galicia

As persoas de zocamiñoca que desexen acudir de oíntes en representación da nosa cooperativa, por favor, enviade un mail a: 

Sábado 16 de maio. Xornada Soberanía Alimentaria na Coruña.
  • 10h-13:30h - Charla: Introdución á soberanía alimentaria. Xose María García (Veterinarios sen Fronteiras). CX Abeiro (Rúa Don Bosco, 2).
  • 17h-20h - Exposición itirenante: "Soberanía Alimentaria".
  • 18h-19h - Sesións de títeres para nenos maiores de 3 anos. Xardíns de Méndez Núñez.

Organiza: Foro Microutopías.

zocarede